Maysa a lalaki ti naglitson iti maysa a nalukmeg a baka.

“Mapanka, rummuarka ta imbitaram amin a gagayyem ken kaarruba.”

Napan ti kabsatna iti ruar tapno agimbitar.

Impukpukkawna: “Hooh kakabsat ken kaarruba umaykayo! Tulongandakami, maur-uram ti balaymi!”

Adda dagiti nagtaray nagturong iti balayda. Adda met dagiti kasla di nakangngeg ket saanda a rimmuar kadagiti balbalayda. Adda met dagiti di nangikaskaso iti ayab a tumulong.

Nasdaaw dagiti napan timmulong a mangiddep koma iti uram ta saanda a ninamnama a maysa gayam a padaya a nakaidasaran ti naimas a litson a baka.

Nagrennekda a nangan ken naginum.

Inauna a kabsat a Lalaki:

” Apay ta dagitoy met diak am-ammo a tattao ti naimbitaram? Ayannan dagitay gagayyem ken kaarrubatayo?”

Inaudi a Kabsat a Lalaki:

“Impukkawko ngamin a maur-uram ti balaytayo. Isuda koma dagiti umay tumulong. Dagitoy dagiti pudpudno a gagayyemtayo. Isu dagiti naayat a tumulong kadatayo.”

*ADAL:

Adu dagiti gagayyem nga am-ammodaka iti tiempo laeng a kasapulandaka, saandaka nga italtalek no adda kasapulam kadakuada. Aggagayyemtayo koma iti espiritu ken iti aramid!